राष्ट्रहित टाईम्स न्यूज नेटवर्क
यवत पोलीस स्टेशनच्या एक मोठ्या कारवाईत, पोलीस अधिकार्यांनी मौजे वरवंड, तालुका दौंड, जिल्हा पुणे येथे दि. ०८/०२/२०२५ रात्रौ २२:०० वाजेच्या सुमारास एक महत्त्वपूर्ण धडका बोलत आणला. या कारवाईत महाराष्ट्र शासनाने प्रतिबंधित केलेल्या गुटखा, पान मसाला, सुगंधित तंबाखू यांचा मोठा साठा जप्त करण्यात आला.
पोलीस निरीक्षक नारायण देशमुख, सहा. पोलीस निरीक्षक महेश माने, पोलीस उपनिरीक्षक सलीम शेख, पोलीस उपनिरीक्षक विजय कोल्हे आदी पथकाने मा. श्री. पंकज देशमुख पोलीस अधिक्षक पुणे ग्रामीण, मा. श्री. गणेश बिराजदार अपर पोलीस अधिक्षक बारामती, मा. श्री. बापुराव दडस उपविभागीय पोलीस अधिकारी दौंड यांचे मार्गदर्शनाखाली ही कारवाई केली. या कारवाईत अल्ताफ गुलाब शेख व दोन अनोळखी चालक यांच्याविरुद्ध गुन्हा दाखल करण्यात आला आहे.
जप्त केलेला माल
मारूती कंपनीची कॅरी गाडी (आर.टी.ओ. पासींग क्र MH 12 WX 3960) व अशोक लेलंड कंपनीचा बडा दोस्त चारचाकी पिकअप (आर.टी.ओ. पासींग क्र MH 14KQ 4187) या वाहनांमध्ये हा प्रतिबंधित माल सापडला. जप्त केलेल्या मालाची किंमत ३३,८५,५६०/- रुपये आहे.
या प्रकरणात भा.न्या.सं.२०२३ कलम १२३,२२३,३(५) सह कलम अन्न सुरक्षा मानके अधिनियम २००६ व नियमन २०११चे कलम २६(२), २६(२)(a), २७(३)(d), २७(३) (e), ५९ प्रमाणे गुन्हा दाखल करण्यात आला आहे. आरोपींवर कायदेशीर कारवाई करण्यात येईल.
