युवराज काकडे, सिद्धांत तुपे आणि योगेश काकडे — तीन तरुण नेतृत्वामुळे थेऊर गणातील निवडणूक होणार प्रतिष्ठेची
राष्ट्रहित टाईम्स वृत्तसेवा
थेऊर (ता. हवेली):
पंचायत समिती हवेलीचे सभापती पद आणि थेऊर गणातील सदस्य पद हे दोन्ही सर्वसाधारण वर्गासाठी खुले झाल्याने या भागात राजकीय चुरस निर्माण झाली आहे. तरुण नेतृत्वाला संधी मिळाल्याने नव्या उमेदवारांची एन्ट्री झाली असून, सध्या आरोग्यदूत युवराज हिरामण काकडे, तरुण नेता सिद्धांत सचिन तुपे आणि उद्योजक-सामाजिक कार्यकर्ता योगेश नाना काकडे ही तिन्ही नावे मतदारांच्या चर्चेत अग्रस्थानी आहेत.
🔹 युवराज हिरामण काकडे — “आरोग्यदूत ” आणि विकासाभिमुख नेतृत्व
हवेली पंचायत समिती मा.सदस्य हिरामण तात्या काकडे व थेऊर गावचा मा.सरपंच सौ.छायाताई काकडे यांचे सुपुत्र युवराज काकडे हे सध्या थेऊर ग्रामपंचायतीचे सदस्य असून, “आरोग्यदूत युवराज” म्हणून सर्वपरिचित आहेत.
त्यांनी शेकडो नागरिकांना मोठ्या हॉस्पिटलमधील बिलात सवलत मिळवून देणे, आरोग्य विषयक अडचणींवर मार्ग काढणे आणि गरजूंना आवश्यक मदत पुरवणे या माध्यमातून जनतेचा विश्वास संपादन केला आहे.
अतिवृष्टीच्या काळात थेऊर आणि रुकेवस्ती भागात पाणी घरात शिरल्याने नागरिक संकटात आले असताना, त्यांनी रात्रीभर संरक्षण पथकासह राहून अडकलेल्या नागरिकांना सुरक्षित स्थळी हलवण्याचे कार्य केले. तसेच शासकीय मदत मिळवून देण्यासाठी स्वतः प्रशासनाशी संवाद साधला.
त्यांच्या तत्परतेमुळे नागरिकांनी त्यांना “संकटात धावून येणारा नेता” म्हणून ओळखले आहे.
युवराज काकडे हे केवळ आरोग्यदूत नव्हे, तर विकासाचे आराखडे तयार करणारे नेतृत्व म्हणूनही पुढे आले आहेत. त्यांनी शासकीय योजनांचा लाभ गावागावांपर्यंत पोहोचवला, स्थानिक नेत्यांशी सुसंवाद साधून निधी मिळवून विकासकामांना चालना दिली.
सर्वसामान्यांशी सहज वावर, कार्यक्षम दृष्टिकोन आणि सामाजिक बांधिलकी या गुणांमुळे युवराज काकडे यांचे नाव या निवडणुकीत प्रबळ उमेदवारांमध्ये गणले जात आहे.
🔹 सिद्धांत सचिन तुपे — तीन पिढ्यांचा राजकीय वारसा आणि तरुणाईचा प्रतिनिधी
कुंजीरवाडी गावचे माजी सरपंच सचिन तात्या तुपे यांचे सुपुत्र सिद्धांत तुपे हे थेऊर गणातील तरुणाईचे प्रतिनिधी म्हणून उदयास आले आहेत.
सिद्धांत यांच्या पाठीशी त्यांच्या वडिलांचे — सचिन तात्या तुपे यांचे — राजकीय अनुभव, कार्यकुशलता आणि दांडगा जनसंपर्क आहे.
सिद्धांत यांच्या आत्या सुनीताताई धुमाळ या कुंजीरवाडी गावच्या माजी सरपंच, तर आजोबा दादासाहेब तुपे हे देखील कुंजीरवाडीचे माजी सरपंच राहिले आहेत.
या तीन पिढ्यांच्या राजकीय वारशामुळे तुपे कुटुंबाचा या परिसरात प्रभाव प्रस्थापित आहे.
सचिन तात्या तुपे हे ‘श्रीनाथ ग्रामीण बिगर शेती पतसंस्थे’ चे संचालक असून, त्या माध्यमातून त्यांनी गोरगरिबांना मोठ्या प्रमाणात अर्थसाहाय्य केले आहे.
त्यांचा सर्व समाजात मिसळणारा स्वभाव, गोरगरिबांसाठी तत्परता, आणि फिटनेसप्रेमी गिर्यारोहक म्हणून ओळख यामुळे ते तरुणांमध्ये लोकप्रिय आहेत.
त्यांच्या या सर्व अनुभवाचा आणि समाजातील प्रतिष्ठेचा थेट फायदा सिद्धांत तुपे यांना मिळत आहे.
सिद्धांत हे स्वतःही तरुण नेतृत्वाच्या नव्या पिढीचे प्रतीक असून, सहज वावर, लोकांशी थेट संवाद आणि समाजातील प्रश्न सोडवण्याची तयारी यामुळे त्यांच्या उमेदवारीला व्यापक पाठिंबा मिळू लागला आहे.
स्थानिक राजकीय वर्तुळाचा अंदाज असा की, या गणामध्ये सिद्धांत तुपे हे नक्कीच प्रबळ उमेदवार ठरतील, असा विश्वास त्यांच्या समर्थक आणि मतदारांमध्ये निर्माण झाला आहे.
🔹 योगेश नाना काकडे — उद्योजकतेसोबत समाजकारण व राजकीय वरदहस्त
तरुण उद्योजक आणि सामाजिक कार्यकर्ता योगेश नाना काकडे हे या निवडणुकीतील प्रभावी उमेदवार मानले जात आहेत.
कृषी साहित्य व खतविक्री व्यवसायाद्वारे त्यांनी शेतकऱ्यांशी थेट नाळ जोडली असून, गुरुदत्त ग्रामीण बिगर शेती पतसंस्थेचे संचालक म्हणून आधुनिक शेतीसाठी शेतकऱ्यांना मदत करत आहेत.
त्यांच्या पाठीशी बाबासाहेब काकडे यांचे मजबूत राजकीय वरदहस्त आहे. बाबासाहेब काकडे हे या भागातील ऋषीतुल्य व्यक्तिमत्व म्हणून ओळखले जातात.
ते स्वतः पंचायत समिती सदस्य राहिलेले असून, अनेक निवडणुकांमध्ये “बाबासाहेब काकडे ठरवतील तोच पंचायत समिती थेऊर गणातील सदस्य ठरेल” हे समीकरण आजवर कायम राहिले आहे.
आणि यावेळी हे समीकरण योगेश काकडे यांच्या रूपाने पुन्हा टिकेल, अशी जनमान्यता निर्माण झाली आहे.
याशिवाय, त्यांच्या चुलती चंद्रभागाताई काकडे या पंचायत समितीच्या माजी सभापती, तर नवनाथ आबा काकडे — माजी सरपंच व यशवंत सहकारी साखर कारखान्याचे विद्यमान संचालक — हेही त्यांना भक्कम साथ देत आहेत.
राजकीय वरदहस्त, अनुभवी मार्गदर्शन आणि उद्योजकीय जनसंपर्क या तिन्हींच्या संयोगामुळे योगेश काकडे हे या निवडणुकीत अत्यंत मजबूत दावेदार ठरत आहेत.
🔸 थेऊर गणातील निवडणूक — परंपरा आणि तरुणाईचा संगम
सर्वसाधारण वर्गासाठी खुल्या झालेल्या या जागेमुळे थेऊर गणात तिहेरी चुरस स्पष्ट दिसून येते आहे.
युवराज काकडे यांचे आरोग्यसेवेतील योगदान आणि अतिवृष्टीतील जनसेवा, सिद्धांत तुपे यांचा तीन पिढ्यांचा राजकीय वारसा आणि तरुण नेतृत्वाचा जोश, तर योगेश काकडे यांचे उद्योजकतेसह बाबासाहेब व नवनाथ काकडे यांचे राजकीय पाठबळ — या तिन्हींच्या संगमामुळे ही निवडणूक रंजक, प्रतिष्ठेची आणि तरुण नेतृत्वकेंद्रित होणार आहे.
