पुणे गुन्हे शाखा युनिट-४ ची धडाकेबाज कारवाई
राष्ट्रहित टाईम्स वृत्तसेवा
२४ तासांत गोळीबार करणारा आरोपी गौरव नायडु जेरबंद
पुणे, दि. ३१ ऑगस्ट २०२५ :
पुणे शहर गुन्हे शाखा युनिट-४ ने अवघ्या २४ तासांत गोळीबार करणारा आरोपी गौरव महेश नायडु (वय २५, रा. श्रीरंग रेसिडेन्सी, गायकवाडनगर, पुनावळे, पुणे) याला अटक केली आहे.
दि. २९ ऑगस्ट रोजी विरभद्रनगर, बाणेर येथील अश्वमित हाऊस येथे एका महिलेवर अनोळखी इसमाने गोळीबार केला होता. या प्रकरणी बाणेर पोलीस ठाण्यात गु.र.नं. १९९/२०२५ भा.दं.वि. कलम १०९, ३५१(३), ७८ तसेच भारतीय हत्यार कायदा कलम ३(२५), ३(२६) व महाराष्ट्र पोलीस कायदा कलम ३७(१), १३५ अंतर्गत गुन्हा दाखल करण्यात आला होता.
वरिष्ठांच्या आदेशानुसार युनिट-४ चे वरिष्ठ पोलीस निरीक्षक अजय वाघमारे यांच्या मार्गदर्शनाखाली पथकाने शोधमोहीम हाती घेतली. दरम्यान, आरोपी खडकी रेल्वे स्टेशनवर येणार असल्याची माहिती मिळाल्यावर पोलिसांनी सापळा रचून त्याला पकडले.
अटक केलेल्या गौरव नायडु याच्याकडून गुन्ह्यात वापरलेली व्हेस्पा गाडी, एक पिस्तुल आणि तीन जिवंत काडतुसे असा एकूण १,३३,००० रुपयांचा मुद्देमाल जप्त करण्यात आला आहे. चौकशीत त्याने गुन्ह्याची कबुली दिली आहे.
ही यशस्वी कारवाई मा. पोलीस आयुक्त श्री. अमितेशकुमार, मा. पोलीस सहआयुक्त श्री. रंजनकुमार शर्मा, मा. अपर पोलीस आयुक्त (गुन्हे) श्री. पंकज देशमुख, मा. पोलीस उपआयुक्त (गुन्हे) श्री. निखिल पिंगळे, मा. सहायक पोलीस आयुक्त (गुन्हे-२) श्री. राजेंद्र मुळीक यांच्या मार्गदर्शनाखाली पार पडली.
या कारवाईत सहा. पोलीस निरीक्षक अमर कदम, पोलीस उपनिरीक्षक वैभव मगदुम, पोलीस अंमलदार हरीष मोरे, किशोर दुशिंग, सुभाष आव्हाड, जहांगिर पठाण, विठ्ठल वाव्हळ, अजय गायकवाड, प्रविण भालचिम, तुषार खराडे, विनोद महाजन, अमजद शेख, नागेशसिंग कुंवर, शरद झांजरे, मयुरी नलावडे व रोहीणी पांढरकर यांनी मोलाची भूमिका बजावली.
